கலைமகள் குடியிருந்த பாரதி தன் எழுத்துகள் மூலமாகக் கோடிக்கணக்கான ஜனங்களின் மனங்களில் சுதந்திரத் தீயினை மூட்டினார். அவரது படைப்புகள் ‘காலா உன்னைக் காலால் உதைக்கிறேன் வாடா’ என்று காலத்தை வென்று நிற்கின்றன. அந்த யுகபுருஷனைக் கொண்டாடும் விதமாக இந்நிகழ்ச்சியின் அனைத்து பகுதிகளும் ‘பாரதி’யைப் பற்றியதாக அமைந்திருக்கும். பாரதி தொடர்பான தலைப்புகளில் பாடல், கவிதை, பேச்சு, ஓவியம், நடனம் என்று பல்வேறு கலை வடிவங்களில் நீங்களும் உங்கள் குழந்தைகளும் உங்கள் திறமையை வெளிக்காட்டுங்கள். உங்கள் குழந்தைகளுக்கு பாரதியைப் பற்றிச் சொல்லிக்கொடுங்கள். அவர்களை உற்சாகத்துடன் பங்கெடுக்க ஊக்குவியுங்கள் என்று அன்போடு கேட்டுக்கொள்கிறோம்.